(a) Ka la yidhaaho Mr Ma kash-bacay, kelyuu may kareen, kadab la'aan-taydda ( waxad u taqaan " Solteko" Weriye baa waydiiyey su'aal ah, Markaad meesha ka tagto maxaa lagugu xasuun doonaa? Wuxu ku jawaab oo yidhi " waxa laygy xasuusan doonaa " Bisad aan cel ka soo saarey" bal ka aqoon-taas leh Baa hargeysa u xil saaran, wadooyin-kiina waxay isu rogeen dooxii waaheen, oo urta way banafaysaa kudaafadda magaaladda, dhex taalaa, ka soo gudub kaas "Mr Ma Ksh-bacay"

(b) Waxa is dhaamaa ilaa imika ma hayno, ee mid-ba mid buu fadhiiso yidhiye, "Wasaaradda doqon ma waydo" isna xisaabta ku darsadda, kaas oo dadnimo iyo maskax, raganimo intaba hor illaahay ka taagan, Magac beeleed difaac la yidhi, oo kolba reer loo adeegsado, isaga oo ku gabanaaya wax loo macmalay, oo la yidhaaho War-faafinta iyo wacyi-gelinta (  Tii Wacyi-gelin ahayd baa iska badaye), kaas oo bahal beelaysan la yidhi ku cabudhi saxaafadda. oo loo dirtay in uu juuq dhawro uun ama  amaan madhan laga sheego, xidh-xidhay weriyaalkii Hadhwanaag, inta loo soo adeegsaday, dhawr Tv -na albaabadda isugu dhuftay, sabab-tuna tahay maxaad dadka runta ugu sheegaysaan. saw maaha rabi-khalaq wa-dalaq, inkaar baa ummaddii hasta'e.

(c) Haad-ba-haad kici oo haweeyaa hadhaye, bal isna ka la leeyahay waa sharci yaqaan, miyey-daan arag, kaas oo loo xil saaray, beelo gaar ah loona ibaaxeeyey, adoon eegin wuxu xaq ma yihiin mise maaha? khalad qofku ma galay mise ma gelin, weydiin waxa lagu soo oogay wxay yihiin run iyo been mid-koodna, oo uu yahay beeelaha uu maamulka askartu iskala coloobay, sharci iyo distoor aad ula baydhaa yaanu jirin ee ku shareer, oo isugu dar xadhig dheer iyo weliba ganaax, aynu ka xoolay-sano. ka aad u fiirsa-taaba waa federe kii hore madaxa ka qabsaday.

(d) Ka lagu magacaabo " Gafane", waxay iyaku ugu yeedhaan markay maldaha-yaan " Gaafaadhi" kaas oo isaga iyo Geenyo shaaximani, ay siddii gafanihii xoolaha dhiiga ka jiqi jirey, uga soo go'een colaadda dhiigu hibitiq-leeyahay ee Ceel-af-weyn, inta shaqadda lagu siiyey-na ay tahay is nacsii H.Jeclo iyo H.Yoonis, si aanay isugu foodin, oo kala irdheeye, dhex dhigana nacayb aanay marna isugu iman karayn.

(e) Duulkii inkaar qaba jinaa daasadaw tuma baa laga hayaa (Ihun) Tima-cade, adba waad fejiciye, kuwa la leeyahay ummad bay hogaan u yihiin, oo ay hor kacayaan, isna waxa ka mid ah, ka intuu dal dhan sii daayey iyo ciidamaddii, meel isla so taagay awel-ba musha-haaro ayuun bay naga qaadana-yeene, ha iska tageen, qaar kale-na ha raaceen uma baahnine ( Waa ka magaciisu yahay " Nuux ", 

Siddii habar-dugaag raq ku hirdamaaya, oo kala horor sanaaya, halkay il-daabaano ka arkaan. qaar ku haliilaaya baa ina boqno gooyey, weliba qaar inaga mid ahi, ay leeyihiin xaq bay ku socdaan, bal ka warama kuwa ina leh, sidaas baa maul wanaag ah, daacadnimo bay ku shaqayna-yaan. Waxan ku soo xidhay qoraalkan, Maamulka " Xaafad-tooyadu" kuma uu iman wax u faa'iidee dalka iyo dadka, xaq iyo wax qabasho, ee waxay ahaayeen xoog tag, hantidda ummadda in ay xantoob-sadaan, wixii dhimanaaya yeelka-doode. ma jirto wixii la odhan jirey xil-kasnimo, mansuuliyad, iyo wax baa la xeeriyaa,wax baa laga xishoodda, ee waxay ciyaara-yaan xeegaddii la odhan jirey " dhan walba u orod", bal in aad meel uun ka baxdo, laakiin la isla ogaa, oo haday sag-xadda daawaha ku eryayaane, idinku ummad yahay weli ma rajo baad ka qabtaan? Duulkan kakan, ee haan kaste far-dhaxadda ku murdiyey, faruhuna kala dheere. takfi iyo kutaana ka sii macna xun. 

La Soco Qaybta Labaad.

 * N.B  Dal Xumaani Kuma Disho, Ee Dad Xumaan Baa Ku Disha!

Qore:- Abdi-Shotaly

[email protected]