Maansada Bililiqo 26 / 6 / 14 Waxay Soo Baxday Teeriikhdaa Kor

KU QORAN WAXNA ISMA BEDELIN

WAY KASII DARTAY.

.

Ma bilaabin waa yadan tixdaan

Biinadayn jiraye

Aan bilaabo taad beydad qaran

Iiga barateene

Beryaa jiray wanaag baratamoo

Biinna loo xidha,e

Beryaa jiray bahbaa ila tihiin

Lagu bilkeedayne

Beryaa jiray waxbaan boobayaa

La isu baaqayne

Beryaa jiray bulshadu kala tiqiin

Kay bajina yeene

.

Bixisada hadder socota ee

Budhiyo tooreeya

Budhcad nimo wanaag lagu helaa

Waa bar kuma taale

Burburkiyo jabkay soo mareen

Buulashiyo kaynta

Ee badan xabaalaa la dhigay

Maalna lagu belay

Balaayiyo wixii la xamilay

Baaska wada yeeshay

Ee bulshadu inttaa ugu samreen

Ama baxnaanee-yay

.

Mar inay barwaaqiyo galaan

Buuxa nabadeede

Mar inay busaaradi hadhiyo

Bararka qiimuuye

Mar inay bilaash loo xidhiyo

Jeel ka baqsado,e

Mar inay qabyaaladi baxdiyo

Qaar bursana yaaye

.

Balse faqash bah ay dhaantay baa

Baawarkii sida,e

Bakhtibay dadkiyo xoolihii

Bacadka yaaliine

Beentiyo kitaab kay mareen

Yaa biyii xidhaye

Boodh iyo habaas mooyiyee

Baadba laga waaye

Bahalaa fadhiya dawladii

Tuug is biirsadaye

Ballan qaadki lagu doortay iyo

Baal mar wacad kiiye

Biidhi qaate wada liita oo

Baahanbaa yimiye

.

Aanna ii baneebay tagtiyo

Bililiqayn taase

Bogcad qudha ayaan qaran u hadhin

Biicsadoo cuna,e

Ilaa buurihii baa gadmiyo

Beerti raaxada,e

Burjuwaasi-yaal baa ku degey

Aan birsolinay-ne

Biigbaa fadhiya meelihii

Baasha loo rabaye

.

Baryo iyo inay tuugsadaan

Waa ubaab furane

Ceebbaan aduun uga baxniyo

Qoladi baahnayde

KA BADBAADI (WEYNAW )Ku waa

Cudurka beeraaya

 

.Q. MAXAMUUD CISMAAN FAARAX ( MOHOLIN )

[email protected]