Bissad Yar oo Ciidanka Dab-demiska Caasimada Hargeysa Suuli ka Soo Saareen.
Ciidamada Dab-demiska oo adeegsanaya agabka samatabixinta iyo badbaadada ee Xadhkaha, Sallaamada iyo Xirfado kale ayaa Hawlgal qaatay Laba Maalmood ku soo samatabixiyay Bisaddaas yar iyadoo noolna ka soo saaray Godka Maanta Abaaro 2:00 Duhurnimo.
Hawlgalada Samatabixinta Dadka,Xoolaha iyo Xayawaankaba ayaa Ciidanku muddooynkii u dambeeyay aad uga hawlgalay, iyadoo lagu soo samatabixiyay Dad,Xoolo iyo Gaadiid tiro badan muddadii ciidanku jiray.
Hawlgalkan ayaa waxaa ka qayb qaadanayay Labada Shift ee Habeenimo iyo Maalinimo iyo waliba Ciidanka Dab-demiska Degmada Ibraahim Koodbuur ee Magaalada Hargeysa.
Dhacdadan Bissada ayaa noqonaysa tii ugu horaysay ee nooceeda ah ee Ciidanka Dab-demisku ku soo saaraan, iyadoo markastaba Ciidanku heegan u yahay diyaarna u yahay yeedhmo kasta oo ka timaada Bulshada.
Xafiiska Warbaahinta Ciidanka Dab-demiska JSL
Hargeysa/Somaliland
990/Emergency Call