SALAAN KADIB WAXAN MID KHAAS AH U SOO DIRAYAA,

BAHDA HADHWANAAGNEWS IYO AKHRISTAYAASHEEDA.

DENBIGIYO XASARADAA,DUNIDU WAY KA SIMANTE,

TEENU WAY DARJIIDHO,DAWADA LA SUGAYAA.

XAQU WUU DILAACIYE,U DULQAATA MAALMAHA.

KELMEDA CAS WAXAN KA SOO QAATAY FAARAX NUUR.(AHUN)

1-QOF KU NECEB QOFKI JECEL,EEN KAA QARSANAHAYN,

   QABAR INAAD WADAAGTAN,MIYAYBA MEESHA QABATA,

   QOSOL BEEN AH WEEYAAN,QABILAADAN DIIRANI,

   QORSHE KALA KU HOOS JIRA,QOORTADA HAW DHIGAN,

2-WAA LAGU QATALAYAA,QARANKA SOMALILANOOW,

   QIYAAMADII HOREETIYO,QOONTI MAY BOGSONOO.

   QODAXDIINA IGU MUDAN,QABYNA WAA HALKEEDI,

   QALAD UMMA ARKAAYO,QARAABE WAY ISBOQDAN.

3-QARANIMADU WAA SHAY,QAALIYO INAGU CULUS,

   QABYAALAD IYO XIGAALIYO,MA QUSAYSO REERA,

   QURSHAY LEEDAY DHIGANO,QOFNA JEBIN KARAYNO,

   QAALIYO INOO QORAN,QARSOODINA MA GELI KARO.

4-KU QADHAABAD MAGACIYO,QOONKA XAMAR SIDOODI,

UMA QALANTO TEENUYOO,QUDHO IYO NAFAW GO’AY,

QARNIYAL WAXAN DHAQAY,QUWAD LOO ADEEGSADAY,

QAXONTIYO QABAWGIYO,QUNJUFQAANJIF SOO MARAY.

5-ILAMAA QIYAAMAHA QODAXBAA,HALKAAS TAALE,

    QUUS KAAN AQOONOW,ADIGAAN QOFBA AHAYN,

    QAARADA U QAYSHIYO,QARDAJEEXA GOBOLKUBA,

    QOON WAALAN SIDA TIIN,QOSOL BAY U DAATAAN.

6-QOORQABASHO QOOLEEY,BIYU KUMA QUDHQUDHISO,

    QOONKII KU DOORTA QASAARAHAN SAMEEYOO,

    QOOMAMEEYA MAANTEE,QASAARAY KA JOOGAAN,

    QAWLKIYO CODKOODII,QAANINA KU RAACDAYE.

7-QOOLAABIYO MAREEGIYO,QOOLADAHA IYO XEELADO,

    QABASHADA SHIRKOODIYO,QORSHAHOODA MA OGLIN,

    QUSHI WIXI INAGA MAQAN,QADANMAYNO CAD QUUDHED,

    SOO QAFILA ALBAABKA,MUFTAAXANA QOF KALE SII.

             ISMAIL ABDILLAHI HANDULEH.