Mustaqbalka Sooyaalka Siyaasadeed ee Somaliland
Waxaan shaki ku jirin in Dunidan aynu ku noolnahay in waqti iyo goor
kasta iyo wadci-kastaba ay leedahay taayir-rogmaya
oo laba-geesooda, taasi oo noqoneysa laba dhinac midna togan yahay midna uu
taban yahay. haddaynu wax iska weydiino, waxay tahay Siyaasaddu (politics)
qaamuuska Cambridge wuxu ku sheegay, ” the activities of the
government, members of law-making organizations, or people who try to influence
the way a country is governed”, taasi oo noqoneysa, ” nashaadaadka (fircoonida) dowladda, xubnaha ururada ama hay`adaha sharci
sameynta, ama dadka iskudaya inay saameyn ku yeeshaan habka wadan loo xukumo.
Marka aynu soo duubno, dawladdu waxay ka kooban tahay saddex dhardhaar oo
is-kaabaya mid walba kan kale ka madax-banaan, hadana aanu midna mid ka maarmeyn.
Balse dawladda waxa haga oo raad layaab leh oo dadban ama muuqda ku yeesha
bulshada. Bulshadu waa minqiyaaska wadan horumarkii ama dibu-dhicii.
Siyaasadda
Guumaysiga waxa ka mid ah, haddii uu doonayo inuu wadankaa u taliyo, wuxu
bulshadiisa ka qabsadaa aqoonyahankooda, wuxu la dagaalama aqoonta, wuxuu la
dagaalama wax-soosaarka dalka, wuxu iska-dhega tiraa baahida dhabta ah ee
bulshada, wuxu ka doorbidaa danahiisa gaarka ah isagoo wadooyin qarsoon soo
dhexmara, wuxu iclaamiyaa war-aan sax ahayn, wuxu maaweeliya bulshada, wuxu
isku-jeediyaa iyaga. Si kasba ha haatee, siyaasadda madaxda Soomaliland waxay
tahay mid ku socota dhabo aan sax ahayn, mid aan lahayn jaangoyn iyo hadaf
dheeer oo raadaynaya mustqbalka Bulshadooda. Xilli ka badan 100 sano ka hor haddii
aynu isbar-abardhigno xilligii dabaciiga (natural) ahaa ee awoowayaasheen ku
noolayeen mandaqada aynu ku noolnahay, markii Guumaysigu si toosa ugu yimi,
iyagoo tan maanta ka awood yaraa, ayaa hadana waxay lahaayeen maskax iyo maan
hirasho fog lahaa, qorshe fog lahaa, himi fog lahaa, kaasoo ay ka doorbideen
wax kasta in aan guumaysigu dhulkooda u ogolaan, balse ay badda ku kala
saxeexdeen heshiisyo uu hadafkoodii aynu maanta ku naaloonayno, balse maanta
siyaasiintu mustqbalka fog ee jiilka Soomaliland maxay uga tegi karaan oo aan
ahayn dhul boob, shisheeye kalkaal, kobcin-qabiil oo horseedi karta in dib
loogu dhaco gacan shisheeye iyo is-xukun iyo qoqob bulsheed.
la soco qaybata 2aad.
Mohamud Hussein-Finland
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...