Hoggaamiyaha Xisbiga Wadajir C/raxmaan C/shakuur Warsame ayaa madaxweyne Farmaajo uga digay inuu xilka isku sii dhejiyo marka uu muddo xilleedkiisa dhammaado.

C/raxmaan C/shakuur ayaa sheegay in hadda wada hadalo u socdo Xisbiyada Mucaaradka iyo qaar ka mid ah Waxgaradka Soomaaliya ay kaga arrinsanayaan waxay yeelayaan haddii ay dhacdo in Dowladda ay xukunka isku sii dhejiso ama Farmaajo uu mudo kororsi sameeyo.

Wuxuu carabka ku adkeeyay ineysan yeeli doonin dhaq dhaqaaqyada siyaasadeed ee Dowladda hadda jirta oo ay ka dareemayaan waxaysan jecleysan,islamarkaana muhiim ay tahay in dalka loo turo.

Mucaaradka Dowladda ayaa walaac ka muujinaya xaalka dalka iyo sida madaxweyne Farmaajo uu si nabad ah xukunka ugu wareejin lahaa marka uu xilkiisa dhammaado.

Waxaa socda qorshe dalka uu ku gelayodoorasho 2021,taas oo si weyn shacabka Soomaaliyeed ay u wada sugayaan.