Mucaahadadii Peace of Westphalia .

Ka dib markii Yurub 80 sanadood oo xidhiidha dagaal ka dhex socday Jarmalka iyo Holand , 30 sanadoodna Jarmalka iyo dawladaha Swedan iyo kuwo kale ayay Yurub saxeexday heshiiskaas laggu soo afjaray dagaalkaa mudada dheer socday oo ay ku dhinteen Malaayiin qof .

Mucaahadadaas ayaana reer yurub wadada ugu jeexeen mabaadida dawladahu hadeer ku dhisan yihiin oo mabda'ana ka mid yahay .

Hadaba Mabda'an khuburadda culuunta siyaasaddu ku xeesha dheeri waxay ku qeexaan dabeecadiisa labadan qodob .

1- Isu dheeli tirka siyaasadda waxaa sal-dhig u ah is dhaliilid iyo is barbar dhig , isu dheelitir siyaasadeedna ma jirro is dhaliilid la'aan .

2- Isu dheeli tirka siyaasada iyo awooduhu waxay keenaan in aan cidi soo rogin aragtideeda oo qudha , dadkuna helaan aragtiyo ay kala dooran karaan .

Sidaa markay tahay , Somaliland waxay qaadatay nidaamka xisbiyada badan , kaasoo ujeedada ay u qaadatay uu yahay in la hello isu dheeli tir siyaaasadeed oo xaqiijiya helitaanka mabaadi siyaasadeed oo la kala doorto .

Hasa yeeshee waxaad moodaa in axsaabtii siyaasadeed ee fursadaa haysatay ay gabeen kaalintoodii oo ay ka gaabiyeen curinta iyo falkinta siyaasaddo la loolama kuwa xukuumadda iyo xisbigeedda muxaafidka ah .

Sababtoo ah macnaha muxaafidnimadu waxa weeye difaaca sida hada ay wax yihiin , halka mucaaridaduna ka tahay sheegista sida ay jeclaan lahaayeen in ay wax noqdaan .

Waxaanay ahayd in axsaabtu ku sameeyaan naqdi siyaasada arrimaha dibeda ee xukuumadda , soona qadimaaan siyaasadooda arrimaha dabada si is barbar dhig loogu sameeyo.

Si kastaba ahaatee , waxaa muuqata in aanay axsaabtu fursadaa ka faaidaysanin dalkana uga faaidaynin